馬拉松

馬拉松 : 42.195公里
不只是一個體能的挑戰, 更是心理上的一個很大考驗
每年二月左右, 因為參加渣打10km, 都會跑步鍛鍊一下自己
所以總有大約一個月身體是特別健康的…但年復年, 就只有那一個月會有起恆心來…

想講的不只是跑步,
如果你的目標是42.195公里, 要達標的話可以是3-6個月的持續訓練
如果你想事業平步青雲, 可能是要少說話多做事, 實幹一點
如果你有幸, 有大多都市人也沒有的理想, 請別再"這些機會不是屬於我的", 開始吧…

自己不算三分鐘熱度, 但講不上是好有恆心的人
跑步有時講了等於跑了…
今年會上半馬, 挑戰一下, 有朋友想一齊嗎?總覺得有你地, 所有目標都會近一些~

相信有一日會搵到我的“42.195″,
下苦工, 圓心願~

朋友們, 我地最開心的3年大學生活…多謝~

旅行

朋友, 從來在我心裡都佔有很高的位置
三年前同幾位"半生不熟"的朋友相約到北海道
幾日間, 一齊都不同了…

一行六人, 由朝笑到晚
講的差不多全都是無聊到講完都唔記得的爛笑話
做的全都是小學生的玩意…
但就是這份童真, 沒有戒心和目的的相處, 朋友沒了…是多了幾位親人

幾年間, 生活上大家都有了些轉變
自己結婚了, 朋友亦有了新生命…但相處的方式依舊可愛

還記得當日回程時在機場的"十勝豚肉"餐廳,
見到旁邊六位上了年紀的香港人正準備開始旅程
我們已約定了這樣的一天…




十年

2011年
前幾天跟一位中學同學午餐, 無意中提及…原來我們已畢業十年
又要講句, 時間真係過得未免太快啦

自己從來不是好有計劃的人, 什麼五年plan, 十年plan…坦白講, 完全冇
究竟係好事定相反?本來覺得冇所謂, 但突然有一個十年關囗出現了
想諗吓

諗到的當然不是偉論如人生的意義, 前途又或要搵多少錢
諗到的是自己的脾氣加睇唔開的性格令身邊人同自己浪費了不少開心的時間…
看來要計劃的不是前途無限的事業, 而是要令家人, 朋友同包括自己開心一D
希望下一個回頭唔會有乜特別後悔啦…

都市人有幾多個會話自己過得好開心?十年前係唔係開心D?
好好笑…


do you remember the first day school?


this is life…